يـــــــــــــــــمر الوقــــــــــــــــــــــــت

يمر الوقت يسرقنا بلا ذكرى ولا طاري
هموم الدنيا تشغلنا وتاخذنا وتودينا
وفجأة يرجع الماضي ويقطع حبل أفكاري
يذكرني سوالفنا وجمعتنا وليالينا
أحط خدي على اليسرى وأمد اليمنى للباري
ياليت الوقت إلي باعد يقربنا ويدنينا
أنا ما ادري إذا تدري أو انته ما انته بداري
أنا ودي الزمان إلي مزعلنا يراضينا
واتخبر عن أخبارك وتتخبر عن أخباري
وأسال ليش روحنا وتسأل ليش ما جينا
ونتلاقى وحبايبنا نقضي الليل سماري
على شط البحر نسهر ونتذكر حكاوينا
ونرسم لوحة الماضي على نجم السما الساري
نبروزها بأمانينا ونختمها بأسامينا
شراع الحب يسري بالسفينه والامل صاري
وربان البحر ذكرى وتصاريف القدر مينا
تركنا همنا لله وما عاد الدمع جاري
ولا عاد الزمان الي يبكينا يبكينا

وااااااو
كلمات راااااااائعة تفكرني بالماضي الأليم
مشكووورة أختي أبدعتي

العفووو

يسلموااا